فیلمی دارگوێز، بەبەشداریی پەیمان معادی لە هەرێمی کوردستان نمایشدەکرێت

بڕیارە ڕۆژی 4ی مانگی داهاتوو لە پارێزگاکانی هەولێر و سلێمانی و دهۆک، فیلمی دارگوێز نمایشبکرێت.

کۆمپانیای مەستی فیلم فیلمەکە نمایشدەکات و ڕایگەیاندووە، بەو کارەیان دەیانەوێت زیاتر مێژووی ژیانی پڕ لە کارەساتی کورد نیشانبدەن.

فیلمی دارگوێز، لە دەرهێنانی محەمەد حەسەن مەهدەوییانە و بەبەشداریی هەردوو ئەکتەری بەناوبانگی ئێران “پەیمان معادی و میهرانی مودیری” بەرهەمهێنراوە.

فیلمەکە هەوڵدەدات، ئەو تاوان و چەرمەسەرییانە نیشانبدات کە خەڵکی ڕۆژهەڵاتی کوردستان لەکاتی شەڕی ئێران – عێراقدا بینیویانن، بەتایبەت کیمیاییبارانی شاری سەردەشت.

ڕەخنەگرانی بواری فیلم، پێیانوایە “دارگوێز” باشترینی دەرهێنەر “محەمەد حەسەن مەهدەوییان”ـە، تا ئیستاش لە فێستیڤاڵی نێودەوڵەتیی فیلمی فەجر لە تاران خەڵاتی باشترین دەرهێنەر و باشترین ئەکتەری بردووەتەوە.

هاوکات فیلمی “دارگوێز” یەکێک بووە لە کاندیدانی ئێران تا نوێنەرایەتیی ئەو وڵاتە بکات لە فێستیڤاڵی ئۆسکاری ئەمساڵ.

بابەتی پێشتر

پێکدادانی چەکداری لەنێوان سوپای پاسداران و حزبێکی کوردیدا ڕوویداوە

بابەتی دواتر

سودەکانی (ڤیتامین دی) بۆ جەستەی مرۆڤ

بابەتی پەیوەندیدار
زیاتر ببینە

سلێمانی.. داواکراوێک دەستگیرکرا

بەڕێوەبەرایەتیی پۆلیسی  سلێمانی رایگەیاند، تۆمه‌تبارێكیان ده‌ستگیركردووە كه‌ دوو سكاڵای‌ یاسایی له‌سه‌ر بووه ‌و له‌لایه‌ن دادگاوه‌ داواكراو بووه‌. بەپێی…
Total
0
Share