ڕوسیا سەرگەرمی دروستكردنی ڤاكسینێكی دژەكۆرۆنایە كە لەڕێگەی لووتەوە وەردەگیرێت و دەڵێت، “لە داهاتوودا تاقیدەكرێتەوە”.
ئەلیكساندەر گینسبۆرگ، سەرۆكی ناوەندی گامالیای ڕوسی ڕایگەیاند، ئەو ڤاكسینەی لەڕێگەی لووتەوە وەردەگیرێت بۆ بەگژداچوونەوەی كۆرۆنا، دوای 6 – 8 مانگی تر تاقیدەكرێتەوە.
سەرۆكی ناوەندی گامالیای ڕوسی جەختدەكاتەوە كە وەرگرتنی ڤاكسینی “سپوتنیك – 7” و دواتر خۆڤاكسینكردن بە ڤاكسینی لووت، ناتوانن %100 ڕێگری بكەن لە تووشبوون بە كۆرۆنا لەگەڵ ئەو بەرەوپێشچوونە سەختەی پەتای كۆرۆنا، بەڵكو ڕۆڵیی كاریگەریان دەبێت لەوەی كەسەكە تووشی كۆڤید – 19 نەبێت.
پێشتر ڕوسیا ڕایگەیاندبوو، ڤاكسینی سپوتنیك كە لەلایەن سەنتەری توێژینەوەكانی گامالیاوە پەرەیپێدراوە، بەڕێژەی 95% كاریگەرە لەدژی ڤایرۆسی نوێی كۆرۆنا و جۆرە گۆڕاوەكەی.
