بەڕێوەبەرایەتیی نەوت و کانزاکانی پارێزگای سلێمانی ڕایگەیاند، سبەینێ دابەشکردنی نەوتی سپی لە هەردوو قەزای ماوەت و شارباژێڕ دەستپێدەکات.
لە ڕاگەیەندراوێكدا بەڕێوەبەرایەتیی نەوت و کانزاکانی سلێمانی ئاماژەی بەوەكردووە، بڕیارە سبەینێ پێنجشەممە نەوتی سپی لە قەزاکانی شارباژێڕ و ماوەت دابەشبکرێت، نرخەکەشی بۆ 200 لیتر 55 هەزار دینار دەبێت.
ڕێنمایی هاوڵاتییانیشی كردوووە، “پێویستە هاوڵاتی لەگەڵ کارتی زیرەکدا، کارتی نیشتمانی، یان پێناسی باری شارستانی، یان ڕەگەزنامەیان پێبێت، بەپێچەوانەوە بەشە نەوتی پێنادرێت”.
ماوەی چەند ڕۆژێکە حکومەتی هەرێم لە ناوچە شاخاوییەكانەوە دەستی بە دابەشکردنی نەوتی سپی کردووە.
پێشتریش كهمال ئهتروشی، وهزیری سامانه سروشتییهكانی حكومەتی ههرێمی كوردستان ڕایگەیاندبوو، “دابەشكردنی نەوتی سپی هەموو شوێنەكان دەگرێتەوە و بۆ ئەو مەبەستەش بەغداد 250 ملیۆن لیتر نهوتی سپیی بۆ هەرێم دابین دەكات”.
