بەڕێوەبەری گشتیی تەندروستیی هەڵەبجە رایگەیاند، “رێگەنادەین تاقیگەکانی نەخۆشخانە حکومییەکان بدرێن بە کۆمپانیای تایبەت”.
د. ئازاد مستەفا، بەڕێوەبەری گشتیی تەندروستیی هەڵەبجە لە کۆنفرانسێکی رۆژنامەوانیدا رایگەیاند، “ئێمە بە رەسمی رایدەگەیەنین کە ناچینە ژێر باری ئەو گرێبەستەی وەزارەتی تەندروستی کردوویەتی بۆ بەئەهلیکردنی تاقیگەی نەخۆشخانە حکومییەکان و رێگە بەوە نادەین”.
وتیشی، “بەو گرێبەستەی وەزارەتی تەندروستی تاقیگەکانی هەڵەبجە نزیکەی 10 ئەوەندەی ئێستا داهاتیان پێویستە، ئەوەش بەهەدەردانی داهاتی گشتییە و پێویستە ئەو پارەیە لە شتی پێوستدا خەرجبکرێت”.
