ماوەی سێ ڕۆژە شوێنەوارێکی کۆنی سێ هەزار ساڵە، لە ناوبازاڕی شاری کەلار دۆزراوەتەوە، بەڕێوەبەرایەتیی شوێنەواری گەرمیان دەڵێت، نمونەیان لە شوێنەوارەکە وەرگرتووە و لێکۆڵینەوە لەسەری بەردەوامە.
ساڵح سهمین، بهرێوەبهرى شوێنهوارى گهرمیان، بە تۆڕی میدیایی ئێستای ڕاگەیاند، “لە ڕۆژی پێنجشەممەوە نموونەی شوێنەوارەکە براوە بۆ لێکۆڵینەوە و بەپێی زانیارییە سەرەتاییەکان، تەمەنی شوێنەوارەکە بۆ سێ هەزار ساڵ لەمەوپێش دەگەڕێتەوە”.
بهرێوەبهرى شوێنهوارى گهرمیان ئاماژەی بەوەشکرد، پێشتر گومانیان لە شوێنەکە هەبووە کە شوێنەواری دێرینی تێدا بێت و ئاگاداری خاوەنی زەوییەکەشیان کردووە، ئاگاداری بوونی شوێنەوار بێت.
ئەوە جاری دووەمە لەو ناوچەیە شوێنەواری دێرین بدۆزرێتەوە و بەپێی زانیارییەکانی شوێنەواری گەرمیان چەندین گۆزە و ئێسکی مرۆڤ لە شوێنەکەدا دۆزراونەتەوە.
