بەڕێوەبەرایەتی نەوت و کانزاکانی سلێمانی ڕایگەیاند، دوای دابینکردنی بڕی نەوتی سپی بۆ پارێزگاکان، ڕۆژی یەکشەممەی داهاتوو 24ی ئەم مانگە، لە پارێزگای سلێمانی دەست بەدابەشکردنی نەوتی سپی دەکرێت.
نەوت و کانزاکانی سلێمانی لەبارەی دابەشکردنی نەوتی سپییەوە ڕایگەیاندووە، ” پاش دابین کردنی بڕی پێویستی نەوت لەلایەن حکومەتی هەرێمی کوردستانەوە بۆ ناوچە شاخاوییە ساردەکانی سنوری پارێزگاکانی سلێمانی و هەڵەبجە و ئیدارەی ڕاپەڕین بریارە ڕۆژی یەکشەممە ڕێکەوتی24ی مانگ پرۆسەی دابەشکردنی نەوت لە سنوری قەزای پێنجوێن دەستپێبکات”.
بەپێی زانیارییەکانی نەوت و کانزاکانی سلێمانی ڕۆژانی دواتریش لە تەوێڵە و بیارە وخورماڵ و شارباژێڕ و ماوەت و قەڵادزێ درێژەی دەبێت ونرخی بەرمیلێک نەوت 55هەزار دینار دەبێت.
