ئەندازیارانی پەیمانگەی ماساچوستس بۆ تەكنەلۆجیا و زانكۆی هارڤارد، دەمامكێكی زیرەكیان دیزاینكردووە كە لەماوەی 90 خولەكدا كۆرۆنا ئاشكرادەكات.
دیزاینەرانی دەمامكەكە دەڵێن، “دەمامكە زیرەكەكە دەتوانرێت لەگەڵ دەمامكی ئاساییدا لەیەكبدرێت و بەكاربهێنرێت و جگە لە كۆڤید -19 توانای ئاشكراكردنی ڤایرۆسی دیكەی هەیە”.
دەمامكە زیرەكەكە چەندین ئامێری بچووكی هەستەوەر لەخۆدەگرێت، كە توانای شیكردنەوەی دۆخی بەكارهێنەرەكەیان هەیە و تەنها 90 خولەكیان پێویستە بۆ ئەوەی تووشبوونی كەسەكە بە كۆرۆنا ئاشكرابكەن.
بەپێی زانیارییەكان، ئەو هەستەوەرانە پێشتر دروستكراون بۆ ئاشكراكردنی ڤایرۆسەكانی وەك زیكا و ئیبۆلا.
توێژەرانی ئەمریكی لە لێكۆڵینەوەیەكی نوێدا لەبارەی ئەو دەمامكەوە دەڵێن، “هەستەوەرەكان نەك تەنها لە دەمامكدا، بەڵكو دەتوانرێت لە پۆشاكیشدا جێگیربكرێن وەك چاكەتی تاقیگە، تا لەڕێگەیەوە چاودێریی دۆخی تەندروستیی پزیشكان و كارمەندانی تەندروستی و تاقیگەكان بكرێت و تووشبوونیان بە كۆرۆنا ئاشكرابكرێت.
