حكومەتەكەی تاڵیبان، زەویی نیشتەجێبوون و پارە دەدات بە خانەوادەی ئەو خۆكوژانەی لە 20 ساڵی ڕابردوودا خۆیان تەقاندوونەتەوە.
سیراجەدین حەقانی، وەزیری ناوخۆی ئەفغانستان لەگەڵ كەسوكاری ئەو خۆكوژانەدا كۆبووەتەوە كە لە ڕابردوودا خۆیان بە هێزەكانی حكومەتی ئەفغانستان و ئەمریكادا تەقاندووەتەوە.
بەپێی تویتێكی سەعید خوستی، حەقانی پاداشتی پێدانی زەوی و پارەی خستووەتە بەردەم خانەوادەی دەیان خۆكوژ و 112 دۆلاری داوە بەهەر خێزانێك و بەڵێنی دابەشكردنی زەویشی پێداون.
ئاژانسی هەواڵی ئەسۆشییەیتد پرێس بڵاویكردەوە، وەزیری ناوخۆی حكومەتەكەی تاڵیبان لە وتارێكدا لەبەردەم خانەوادەی خۆكوژەكاندا لە كابول، ستایشی ئەو خۆكوژانەی كردووە و بە “خۆبەختكار و پاڵەوانانی نیشتمان و ئایین” پێناسەیكردوون.
