ئێلیزابێسی دووەم شاژنی بەریتانیا كە تەمەنی 95 ساڵە، ڕەتیکردەوە ناسناوی “پیری ساڵ” وەربگرێت کە ناسناوێکە دەبەخشرێتە کەسانی بەتەمەن، ئێلیزابێس دەڵێت، “پێموانییە پێوەرەکانی وەرگرتنی ناسناوەکەم تێدابێت”.
لە نامەی بەرپرسی نووسینگەکەی شاژندا هاتووە، “شاژن پێیوایە ئەو هەست بەو تەمەنە ڕاستەقینەیەی خۆی ناکات کە 95 ساڵە، بۆیە پێیوانییە ئەو پێوەرانەی ناسناوەکەیان لەسەر دەدرێت بیگرنەوە”.
پێشتر هەریەکە لە جۆن مەیجەر سەرۆک وەزیرانی پێشووتری بەریتانیا، هونەرمەند دەیڤد هۆکنی و ئەکتەری بەریتانی ئۆلیڤیا دی هاڤیلاند ئەو ناسناوەیان وەرگرتووە.
