پەیامنێری ڕۆژنامەی (یەوم سابع- ڕۆژی حەوتەم)ی میسری ڕووبەڕووی دزینی مۆبایلەكەی بووەوە لەكاتی ڕوماڵكردنی ڕووداوێكی بومەلەرزە لە قاهیرە و پارێزگاكانی دیكە، دیمەنی تەواوی ڕووداوەكە ڕاستەوخۆ بڵاوبووەوە.
ڕۆژنامەكە بڵاویكردەوە، دزەكە “دەموچاوی خۆی بۆ نزیكەی 24 ملیۆن كەس ئاشكراكردووە” دوای ئەوەی مۆبایلی مەحمود ڕاغب-ی پەیامنێری دزیوە لەكاتی پەخشی ڕاستەوخۆدا لە ناوچەیەكی باكووری قاهیرەی پایتەخت.
لە ڤیدیۆكەدا تەواوی دەموچاوی دزەكە دەردەكەوێت كە بەسەر ماتۆڕسكیلێكەوەیە، بەبێ ئەوەی بزانێت كە هێشتا پەخشە ڕاستەوخۆكە نەوەستاوە و دیمەنی كارەكەی “لەلایەن دەیان هەزار هاوڵاتیی وڵاتەكەیەوە كە چاودێریی ڕوماڵەكەیان دەكرد” دەبینرێت، وەك ئەوەی ڕۆژنامەكە ئاماژەی پێداوە.
