زێدان بە مانچستەر یونایتد ناڵێت “نەخێر”

ڕاهێنەری فەرەنسی، زینەدین زێدان لە ئەگەری دوورخستنەوەی ئولی گۆنار سۆڵشایەر-دا ئامادەیە پۆستی ڕاهێنەری مانچستەر یونایتد وەربگرێت.

ڕۆژنامەی دەیلی مەیڵ-ی بەریتانی لەزاری فابریزیۆ ڕۆمانۆ-ی ڕۆژنامەنووس و شارەزای ناوداری بواری گواستنەوەکانەوە ئاشکرایکردووە، ئەگەر یانەی مانچستەر یونایتد بڕیار لە دوورخستنەوەی ئولی گۆنار سۆڵشایەر بدات، داواکراوی سەرەکی بۆ جێگەکەی زینەدین زێدانە.

زێدان خەون دەبینێت لەدوای مۆندیالی 2022 جێگەی دیدیێ دیشامپی هاونیشتیمانی وەک ڕاهێنەری هەڵبژاردەی فەرەنسا بگرێتەوە، لەهەمان کاتدا چانسی ڕاهێنانی “ڕێد دێڤڵز” ڕەتناکاتەوە.

ڕۆمانۆ دووپاتیکردووەتەوە، ئەگەر یونایتد خواست لەسەر گواستنەوەی “زیزۆ” پیشانبدات، ڕاهێنەرەکە ڕەتیناکاتەوە و بە ئۆفەرەکە قایلدەبێت، بەڵام کێشەکە لەوەدایە تاوەکو ئەم ساتە خێزانی گلایزەرس 100% پشتیوانیی سۆڵشایەریان کردووە و پێناچێت بەم نزیکانە بڕیار لەدوورخستنەوەی بدەن.

بابەتی پێشتر

بەغداد پارەی بەشێکی دیکەی گەنمی جوتیارانی ڕەوانەی هەرێم كرد

بابەتی دواتر

سی پی تی: بەڵگەیەک نەبوو بیسەلمێنێت بەرواری و بەرۆشکی پلانڕێژیان بۆ خۆپیشاندانی توندوتیژانە کردووە

بابەتی پەیوەندیدار