وەزارەتی دەرەوەی تورکیا باڵیۆزی 10 وڵات بانگهێشتدەکات

وەزارەتی دەرەوەی تورکیا بانگهێشتی باڵیۆزی 10 وڵات دەکات و لەناویاندا هەریەکە لە باڵیۆزی ئەمریکا، فەرەنسا و ئەڵمانیا هەن، بانگهێشتکردنەکە پەیوەندیدارە بە دۆسیەی عوسمان کاڤالای دەستگیرکراو.

وەزارەتی دەرەوەی تورکیا بانگهێشتی باڵیۆزی هەریەکە لە وڵاتانی، ئەمریکا، ئەڵمانیا، فەرەنسا، دانیمارک، فینلەندا، کەنەدا، سوید، نەرویج، هۆڵەندا و نیوزلەندای کردووە.

ئاژانسی ئەنادۆڵوی فەرمیی تورکیا بڵاویکردەوە، بانگهێشتکردنی باڵیۆزی ئەو وڵاتانە لە تورکیا پەیوەندیی بە دۆسیەی دەستگیرکردنی عوسمان کاڤالا-وە هەیە، کە بەتۆمەتی تێوەگلان لە هەوڵی کودەتاکەی ساڵی 2016 دەستگیرکراوە.

پێشتر باڵیۆزی ئەو وڵاتانە ڕاگەیەندراوێکیان سەبارەت بە دەستگیرکردنی کاڤالا بڵاوکردەوە و بە پێشێلکردنی بنەماکانی دیموکراسی و یاسا ناویانبرد، هەروەها داوای ئازادکردنیان کردبوو.

بڕیارە ئەمڕۆ سێشەممە باڵیۆزی ئەو 10 وڵاتە بچنە باڵەخانەی وەزارەتی دەرەوەی تورکیا، پێدەچێت وەزارەتەكە ڕوونكردنەوە بەو وڵاتانە بدات.

بابەتی پێشتر

ئەمڕۆ دادگاییکردنی بەدەل بەروارییە.. پارێزەرەکەی هەڕەشەی مانگرتن دەکات

بابەتی دواتر

میدیای ئیسرائیل: بودجە بۆ زیاتركردنی توانای كردنەئامانجی بەرنامەی ئەتۆمیی ئێران تەرخانكرا

بابەتی پەیوەندیدار
Total
0
Share