پەرلەمانی تورکیا ماوەی مانەوەی هێزەكانی وڵاتەکەی لە عێراق و سوریا بۆ دوو ساڵی دیکە درێژكردەوە.
ئەمڕۆ سێشەممە پەرلەمانی توركیا لەسەر داواكارییەكەی سەرۆكایەتیی وڵاتەكەی بۆ درێژكردنەوەی ماوەی مانەوەی هێزەكانی توركیا لە سوریا و عێراق كۆبووەوە، هەرچەندە لە كۆبوونەوەكەدا پارتی گەلی کۆماریی کە گەورەترین پارتی ئۆپۆزسیۆنی ئەو وڵاتەیە بڕیارەکەی ڕەتکردەوە، بەڵام بەزۆرینەی دەنگ پەرلەمان بۆ دوو ساڵی دیكە بڕیاری درێژكردنەوەی ماوەی مانەوەی سوپای وڵاتەكەی لەو دوو وڵاتەدا.
هەروەها پەرلەمان مانەوەی هێزەکانی تورکیای لە چێوەی هێزی ئاشتیپارێزی نەتەوەیەکگرتووەکان لە لوبنانیش پەسەندکرد.
پێشتریش فراکسیۆنی هەدەپە لە کۆنگرەیەکی ڕۆژنامەوانیدا ڕایگەیاندبوو، بە “نەخێر” دەنگ بە پرۆژە بڕیارەکە دەدەن.
