ئەفسانەکانی پریمەرلیگ: سەڵاح باشترینی جیهانە

ئەستێرەی میسڕیی یانەی لیڤەرپوڵ، محەمەد سەڵاح لەم وەرزەدا ئاستێکی ناوازەی پێشکەشکردووە و ئەفسانەکانی پریمەرلیگ وەک باشترینی ئەوروپا ناوزەندی دەکەن.

سەڵاحی تەمەن 29 ساڵ، لەم وەرزەدا لەکۆی هەشت ڕووبەڕووبوونەوە حەوت گۆڵی تۆمارکردووە و چوار گۆڵی ڕەخساندووە، یانەکەی گەیاندووەتە پلەی دووەمی ڕیزبەندیی یانەکانی پریمەرلیگ.

لەو بارەیەوە یۆرگن کلۆپ، ڕاهێنەری ڕێدز دەڵێت، “هەمووان پێمانوایە سەڵاح لە ترۆپکی تواناکانی و لوتکەی تۆپی پێدایە، هەمیشە مشتومڕ لەبارەی باشترینەکانەوە دەکرێت، بەڵام کێ لە سەڵاح باشترە؟”.

هەروەها دەڵێت، “نابێت لە ئێستادا باس لە دەستکەوت و باڵادەستیی مێسی و ڕۆناڵدۆ بکرێت لە ساڵانی ڕابردوودا، یاخود چۆن باڵادەستییان چەندین ساڵ بەردەوامبووە، گرنگ ئێستایە، لە ئێستاشدا کەس لە سەڵاح باشتر نییە”.

ئەفسانەکانی پریمەرلیگ، لەنمونەی ئالان شیرەر، ئیان ڕاش، گاری لینیکەر و جەیمی کاراگێر، لە کەناڵە تەلەفیزیۆنییەکان و تۆڕە کۆمەڵایەتییەکانەوە جەختیان لەوە کردووەتەوە، کە محەمەد سەڵاح باشترینی ئێستای تۆپی پێیە و بەگرنگی دەزانن خەڵاتی باڵۆندۆری بۆ تەرخانبکرێت.

بابەتی پێشتر

شارەوانیی "تووەسپی" لە سلێمانی دەکرێتەوە

بابەتی دواتر

قائیمقامیەتی سلێمانی ڕێگە نادات بایكۆتی شۆفێرانی پاس كێشە بۆ خوێندكاران دروستبكات

بابەتی پەیوەندیدار
Total
0
Share