لە ناحیەی حاجی ئۆمەرانی سەر بە ئیدارەی سۆران هاوڵاتییەک لە ماڵەکەی خۆیدا گوللـە هاوەنێک پێیدا تەقییەوە و گیانیلەدەستدا.
بەپێی ڕاگەیەندراوێک کە شەماڵ دێواری وتەبێژی پۆلیسی سۆران بڵاویکردەوە، هاوڵاتییەک لە چۆمانی سەر بە ناحیەی حاجی ئۆمەران، لەکاتێکدا دەستکاریی گوللـە هاوەنێکی کردووە لە ماڵەکەی خۆیدا، گوللـە هاوەنەکە تەقیوەتەوە و بەهۆیەوە گیانیلەدەستداوە.
ڕووداوەکە لە کاتژمێر 10:09 خولەکی پێشنیوەڕی ئەمڕۆ ڕوویداوە، ئەو کەسەی گیانیلدەستداوە ناوی (د. ع. و)ە و لەدایکبووی 1987ە.
تەرمەکەی ڕەوانەی پزیشکی دادوەریی سۆران کراوە.
