شانەی ڕاگەیاندنی ئەمنیی عێراق ئەمڕۆ هەینیی ڕاگەیەندراوێكی بڵاوكردەوە و دەڵێت، “شانەیەكی مەترسیداری داعش”ی لە نەینەوا دەستگیركردووە كە لە شەش كەس پێكهاتووە.
ئاشكرایكردووە كە ئەو شانەیەی داعش چەندین كاری مەترسیداری ئەنجامداوە، لەوانە كوشتنی هاوڵاتییان و كارمەندانی هێزە ئەمنییەكان.
بەپێی ڕاگەیەندراوەكە، ئەو تیرۆریستانە چەندین ئەركی دیكەیان هەبووە، وەك گواستنەوەی چەكدارانی داعش و دابەشكردنی پارە بەسەر خێزانی چەكدارە كوژراوەكانی داعش.
شانەی ڕاگەیاندنی ئەمنیی عێراق باس لەوە دەكات كە لەكاتی دەستگیركردنی داعشەكاندا، دەستیگرتووە بەسەر چەندین بەڵگەنامە و پارچە چەك و بڕێك پارەدا.
