پۆڵەندا بڕیارێکی قورس لە دژی تێپەڕبوونی پەنابەران دەدات

ئەنجومەنی وەزیرانی پۆڵەندا پێشنیازی کردووە بۆ دروستکردنی دیوارێبەندک بە درێژایی سنوورەکانی لەگەڵ بیلاڕوسیا بۆ ڕێگری لە تێپەربوونی پەنابەران.

وەزارەتی ناوخۆی پۆڵەندا ئاشکرایکردووە، جێبەجێكردنی پێشنازەکە 400 ملیۆن یۆرۆی تێدەچێت و لە ئەگەری دروستکردن و تەواوکردنی دیواربەندەكە، ڕێگا لە پەنابەران دەگرێت لە وڵاتانی دراوسێوە بچنە خاکی پۆڵەنداوە.

پێشنیازەکەی وارشۆ ڕاستەوخۆ بۆ ڕێگریکردنە لەو پەنابەرانەی ئەمدواییە لە بیلاڕوسیاوە چوونەتە خاکی پۆلەنداوە و لەوێشەوە بۆ ئەڵمانیا.

بەپێی زانیارییەکانی میدیا پۆڵەندییەکان لەگەڵ قبوڵکردنی پێشنیازەیاساکە، وەزارەتی ناوخۆی پۆڵەندا دەستدەکات بە تەواوکردنی ڕێکارەکان بۆ دروستکردنی دیوارەکە.

پێشتر پۆڵەندا سزای قورس و دیپۆرتکردنەوەی دابوو بە گوێی ئەو کەسانەدا کە دەیانویست لە بیلاڕوسیاوە بچنە ئەو وڵاتە، بەڵام ئەوە ڕێگریینەكرت لەو کەسانەی دەیانویست لەڕێگای پۆڵەنداوە بچنە یەکێک لە وڵاتە ئەوروپییەکان.

تا ئێستاش سەدان پەنابەری کورد و عێراقی و ئەفغانی لە سنوورەکانی پۆڵەندا و بیلاڕوسیاوە گیریانخواردووە و دەیانەوێت لە دەرفەتێکدا خۆیان بگەیەننە وڵاتی پۆڵەندا.

بابەتی پێشتر

لە بەیروت خۆپیشاندانە.. بە تەقەی هێزە ئەمنییەكان شەش خۆپیشاندەر كوژراون

بابەتی دواتر

ڕیاڵ و بارسا کلاسیکۆ بۆ دوو یاریزان ئەنجامدەدەن

بابەتی پەیوەندیدار
Total
11
Share