ئیدارەی یانەی بەرشلۆنە لە نوێكردنەوەی بۆندی هەردوو یاریزان پێدری و فاتی نزیكبۆتەوە.
گفتوگۆكانی ئیدارەی بەرشلۆنە بۆ نوێكردنەوەی بۆندی ئەستێرە لاوەكانی پێكهاتەكەی دەستیپێكردووە، وەك هەنگاوی یەكەمیش چاوی بە بەڕێوەبەرانی كارەكانی پێدری و ئانسو فاتی كەوتووە.
بەپێی ڕاگەیاندنەكانی كەتەلۆنیا، گفتوگۆكان لەگەڵ پێدری لەقۆناغی كۆتاییدایە و تەنها ڕاگەیاندنی ماوە، بەڵام تائێستا لەگەڵ بەڕێوەبەری كارەكانی فاتی نەگەیشتوونەتە ڕێككەوتنی كۆتایی و كێشەی چارەسەركردنی بڕی مووچەكەی ماوە.
ئامانجی یانەی بەرشلۆنە نوێكردنەوەی بۆندی هەردوو یاریزانە لاوەكەیە بۆ ماوەی پێنج ساڵ.
