ئەو كەسانەی باڵیۆزخانەی ئەفغانستانیان لە برۆكسل كۆنترۆڵ كرد و داوای پچڕاندنی پەیوەندی لەگەڵ حكومەتەكەی تاڵیبان دەكەن، دیپلۆماتكاری ئەفغانین و پەیامێكیان بڵاوكردەوە، داوا دەكەن باڵیۆزخانەكانی دیكەش هەمان هەنگاو بنێن.
دوێنێ چەند کەسێک داگیرکردنی باڵیۆزخانەی ئەفغانستانیان لە برۆکسلی پایتەختی بەلجیکا ڕاگەیاند، كە دیپلۆماتكار و فەرمانبەری باڵیۆزخانەكەن، بەڵام ئامادە نین نوێنەرایەتیی دەسەڵاتەكەی تاڵیبان بكەن.
لە بەیاننامەیەکدا کە تەنها ژن و پیاوێک دەردەکەون، دەڵێن، “ئێمە چەند کەسێکی دیموکراتیخوازین و ڕێگامان لە ئیدارەی تیرۆرستی تاڵیبان جیاکردووەتەوە و بەفەرمی ئەو ئیدارە خۆسەپێنە بەسەر خەڵکدا ناناسین”.
ئەو کەسانەی باڵیۆزخانەکەیان جیاکردووەتەوە، پەیوەندییان لەگەڵ وڵاتەكەی خۆیان پچڕاوە و داوای هاوکاری لە کۆمەڵگەی نێودەوڵەتی دەکەن.
لە بەیاننامەی ئەو کەسانەدا هاتووە، “هیوادارین باڵیۆزخانەکانی دیکەی ئەفغانستان لە جیهان، سەربەخۆیی خۆیان لە دژی ئیدارەی تیرۆرستی تاڵیبان ڕابگەیەنن و بچنە بەرەی بەرگریی خەڵکەوە”.
بەیاننامەکە، داوا لە خەڵکی ئەفغانستان دەکات لە هەرشوێنێکی دونیا بن، هەستن و بێدەنگ نەبن بەرامبەر ئەو ئیدارەی تاڵیبان، کە ئەوان بە “تیرۆرست” ناوی دەبەن.
سه شهروند افغان، سفارت این کشور در بروکسل را اشغال کردند.
این افراد ویدیویی در شبکه‌های اجتماعی منتشر کردند و در آن از افغان‌ها خواستند که سفارتخانه‌های افغانستان در همه کشورها را اشغال کنند.#افغانستان #جبهه_مقاومت_ملی_افغانستان #طالبان #پنجشیر pic.twitter.com/2mneji1rbx— Independent Persian (@indypersian) September 27, 2021
