بەڕێوەبەرایەتی هاتوچۆی سلێمانی ڕایگەیاند، بۆ کەمکردنەوەی قەرەباڵخی لەناو شەقامەکاندا بڕیاریانداوە، لە کاتژمێر 7:30 بەیانی بۆ 9:00 ی بەیانی ڕێگا بە بارهەڵگرەکان نەدرێت بچنەناو شاری سلێمانییەوە.
بەهمەن عەبدوڵا، وتەبێژی هاتوچۆی سلێمانی بە تۆڕی میدیایی ئێستای ڕایگەیاند، ” بە بڕیاری بەڕێوەبەرایەتی هاتوچۆی سلێمانی لە پێناو کەمکردنەوەی قەڕەباڵخی شەقامەکان لە بەیانیاندا، هاتنەناوەوەی ئۆتۆمبێلی بار هەڵگر لە بازگەکانەوە بۆ ناو شاری سلێمانی قەدەغەکراوە”.
بەهۆی دەوامی فەرمانگەکانەوە لە بەیانیاندا فشارێکی زۆر لەسەر شەقامەکانی شاری سلێمانی دروستدەبێت و بەهۆیەوە لە هەندێک شوێن قەرەباڵخی دروستدەبێت، لەوکاتەدا ئەگەر بارهەڵگرەکان بچنە ناوشارەوە ئەوا قەرەباڵخییە چەند هێندەی لێدێت.
