بزوتنەوەی تاڵیبان ئەو دەنگۆیانە ڕەتدەكاتەوە كە باسیان لە كوشتنی جێگری یەكەمی سەرۆك وەزیرانی حكومەتی وڵاتەكەی دەكرد.
محەمەد نەعیم، وتەبێژی بزوتنەوەكە لە تویتێكدا ڕایگەیاند، هەموو ئەو دەنگۆیانە “بانگەشەی دوژمنن و هیچ بنەمایەكی دروستیان نییە”.
نەعیم لەهەمانكاتدا تۆمارێكی دەنگیی مەلا عەبدولغەنی بەرادەر، جێگری یەكەمی سەرۆك وەزیران بڵاوكردەوە و تیایدا دەنگۆی مردنی ڕەتدەكاتەوە.
بەرادەر دەشڵێت، “لەسەدا سەد دڵنیاتان دەكەمەوە هیچ شتێك ڕووینەداوە و هیچ كێشەیەك لای ئێمە بوونی نییە”.
