وەزارەتی پەروەردەی حكومەتی هەرێمی كوردستان ساڵنامەی خوێندنی بۆ ساڵی 2021-2022 بڵاوکردەوە و سەرجەم ڕۆژانی پشووی خوێندن، پشووی فەرمی و ڕۆژانی تاقیکردنەوەكانیشی تیادا دەستنیشانکراون.
وەزارەتی پەروەردە، لە نووسراوێكدا ساڵنامەكەی بڵاوكردووەتەوە و بەڕێوەبەرایەتیی گشتیی پەروەردەکانی (هەولێر، سلێمانی، دهۆک، هەڵەبجە و گەرمیان)یشی ئاگاداركردووەتەوە، کە لە گشت ناوەندەکانی خوێندن جێبەجێبکرێت.
لە ساڵنامەکەدا ڕۆژانی پشووی خوێندن، ڕۆژانی پشووی فەرمی و ڕۆژانی تاقیکردنەوەكانیش دەستنیشانکراون.
پێشتر وەزارەتی پەروەردە بڕیاریدابوو، 14/9/2021 یەکەم ڕۆژی ساڵی نوێی خوێندن بێت و بەشێوەی ئامادەبوونی تەواوەتی لەناو پۆلدا خوێندكاران دەست بە خوێندن بكەنەوە.
