ئیدارەی ڕاپەڕین لەبارەی گردبوونەوەی هاوڵاتیانی سنوری ناحیەی بالیسان ڕوونکردنەوەیەکی بڵاوکردەوە و دەڵێت پێشتر بۆچاکردنەوە و نۆژەنکردنەوەی ڕێگاکانی ئەو سنورە نوسراو ڕەوانەی ئەنجومەنی وەزیران کراوە.
لە ڕونکردنەوەکەی ئیدارەی ڕاپەڕیندا هاتووە، ” ئێمە لە ئیدارەی ڕاپەڕین بەپێی ئەو ئیمکانیاتەی لەبەردەستمان بوو، بەشێک لە ڕێگای نێوان سەرووچاوە و گونـدەکانی سنـوری خــۆشناوتی چاکـکراوە، بەڵام بــەمـەبەستی چاکترکردن و باشترکردنی ڕێگاوبانەکان هەر ئەم ســاڵ، لـەلایەن بـەڕێــوەبـەرایەتی پـاراسـتن و چــاککردنی ڕێگاوبانی ڕاپـەڕین دەرخــستەی پێـویست ئامـادەکراوە و ئاڕاســتەی وەزارەتی ئـاوەدانکـردنەوە کراوە، لـەوێـشەوە ئاڕاستەی سەرۆکایەتی ئەنجوومەنی وەزیران کراوە.”
ئاماژە بەوەشکراوە، ” بەپێی بەدواداچوونەکەنیشمان ڕەزامەندی دراوە بۆ نۆژەنکردنەوەی ڕێگـاکە، بەهۆی بـوونی هەنـدێک کەم و کورتـیش لە دەرخــستەکە جارێـکیتر ئاڕاسـتەی وەزارەتـی ئاوەدانکردنەوە کراوەتەوە و بڕیارە سبەی بگاتەوە بە ئەنجوومەنی وەزیران.”
ئیدارەی ڕاپەڕین بەڵینداوە، ” له زووترین کاتدا چاککردنی ئەم ڕێگایە بچێتە بواری جێبەجێ کردنەوە ئومـێدیشــمان وایە دام و دەزگا پەیوەندیدارەکان لە حکومەتی هـەرێمی کوردسـتان بەپیر داخوازی و داواکاریەکانی ئەم سنورەوەبێن و ئێمەش لە ئیدارەی ڕاپەڕین ئامادەین بەهـەموو شێوەیەک بە پـیر داخوازیەکانیانەوە بچین و ئەوەی پێویست بێت و لەتوانادا هەبێت بۆیان جێبەجێ بکەین.”
ماوەی هەفتەیەکە خەڵکی ناحیەی بالیسان بۆداواکردنی خزمەتگوزارییەکانیان خۆپیشاندان دەکەن و یەک هەفتە لەسەر جادە ماونەتەوە و نەچوونەتەوە ماڵەوە.
ڕاپۆرتێکی هاوکارمان ئەیوب عەلی وەرتێ، لەبارەی خۆپیشاندانەکانی بالیسانەوە
