لەماوەی هەفتەی ڕابردوودا باهۆزێکی پشتگیری لە تویتەر بۆ ڕزگارکردنی گیانی حەیدەر قوربانی، زیندانیی سیاسی کورد دەستیپێکردووە.
بەکارهێنەرانی تۆڕی کۆمەڵایەتیی تویتەر، تەنانەت بەو کەسانەشەوە کە کورد نین، هاشتاگی “نا بۆ لە سێدارەدانی حەیدەر قوربانی”یان بڵاوکردووەتەوە.
حەیدەر قوربانی تۆمەتی “هەڵگرتنی چەک دژی حکومەت”ی هەیە و بەو هۆکارە گواستراوەتەوە بۆ زیندانییەکی دیکە، ئەوە ترسی لای خەڵک و کەسوکاری حەیدەر دروستکردووە کە لەسێدارە بدرێت.
حەیدەر قوربانی، بەندکراوێکی سیاسیی کوردە و حوکمی لەسێدارەدانی هەیە، ماوەیەکە بەهۆی گواستنەوەیەوە ترس هەیە لەسێدارە بدرێت.
سۆزان قوربانی، خێزانی حەیدەر قوربانی لە ڤیدیۆیەکدا ڕایگەیاند، “داوا لە هەموو ئێران و خەڵکی ڕۆژهەڵات دەکەم هەوڵبدەن مێردە بێتاوانەکەم لەسێدارە نەدرێت”.
سۆزان قوربانی ئاماژە بەوەدەکات، مێردەکەیان ئەشکەنجەداوە و لەژێر ئەشکەنجەشدا کۆمەڵێک ڤیدیۆیان پێتۆمارکردووە.
حەیدەر قوربانی پێنج ساڵ پێش ئێستا بە تۆمەتی هاوکاریکردنی پێشمەرگەکانی دیموکرات لە کامیاران لەگەڵ دوو کەسی دیکەدا دەستگیرکرا، دواتر وەک کەسوکارەکەی و پارێزەرەکەی دەڵێن، لەژێر ئەشکەنجەدا دانی بەوەداناوە کە ئەو بە ئۆتۆمبێلەکەی پێشمەرگەکانی گواستووەتەوە.
به گفته نزدیکان #حیدر_قربانی، زندانی سیاسی زندان مرکزی #سنندج، حکم #اعدام وی قرار است طی روزهای آینده اجرا شود. این زندانی سیاسی با اتهام «بغی» بدون وجود هرگونه مدرک و یا اعترافی به اعدام محکوم شده است. ⬇️#SaveHaydarGhorbani #نه_به_اعدام_حیدر_قربانی https://t.co/qzA64H4A0C pic.twitter.com/utKMUJR2Wp
— Iran Human Rights (IHR) (@IHRights) August 29, 2021
