شارەزایەکی کەشناسی، ڕایگەیاند، بارانی بەهێز دەبارێت.
پشتیوان پێنجوێنی، شارەزای کەشناسی، بە تۆڕی میدیایی ئێستای ڕاگەیاند، لە شاری سلێمانی ئەمشەو (شەوی یەکشەممە لەسەر دووشەممە) لە کاتژمێر 6 بۆ 12، زۆربەی کاتەکان باران دەبارێت، چەند تاوەبارانێکی بەهێزی بارانبارینمان دەبێت لەگەڵ ڕوودانی هەورەگرمە و هەورەبروسکە.
دەشڵێت، هەروەها لافاوی کاتییش دروستدەبێت، ئەمشەو بەراورد بە دوو ڕۆژی ڕابردوو باران زیاتر دەبارێت و ئەگەریش هەیە تەرزەی بەهێز ببارێت.
