لە ناحیەی باتیفای سەربە قەزای زاخۆ، دوو هاوڵاتیی شاری موسڵ کە بەمەبەستى گەشتیاری چووبوونە ناوچەکە، بەهۆی بۆردومانی تورکیاوە گیانیان لەدەستدا.
پەیامنێری تۆڕی میدیایی ئێستا لە دهۆک ڕایگەیاند، “ئەو دوو هاوڵاتییە بە ئۆتۆمبێلی تایبەتی خۆیان هاتوونەتە ناوچەی باتیفا بەمەبەستی گەشتیاری و لە دوێنێ شەممەوە دیارنەماون، دوای ئەوەی لەلایەن کەسوکاریانەوە سۆراغیان کراوە ئەمڕۆ تەرمەکانیان لەناو ئۆتۆمبێلەکەیاندا دۆزراونەتەوە”.
دوو هاوڵاتییەکە عەرەبن و لە گوندی بانکێی باتیفا لەلایەن هێزەکانی تورکیاوە بۆردومانکراون و گیانیان لەدەستداوە، ئێستا تەرمەکانیان لە پزیشکی دادی زاخۆیە.
