له شارۆچكه‌ی كانگ سه‌ربه پارێزگای نه‌مروز له خۆرئاوای ئه‌فغانستان، له ئه‌نجامی ته‌قینه‌وه‌ی ئۆتۆمبیلێكی بۆمبڕێژكراوەوە، به‌ڕێو‌به‌ری ئاسایشی شارۆچكه‌كه و 11 پۆلیس كوژران.
به‌هرام حه‌قمال، وته‌بێژی پارێزگای نه‌مروز بە میدیاكانی ڕاگەیاندووە، له ڕێگه‌ی ئۆتۆمبێلێكی بۆمبڕێژكراوه‌وه، په‌لاماری هێزه‌كانی پۆلیس دراوه.
حه‌قمال باسی له‌وه‌شكردووە، به‌ڕێو‌به‌ری ئاسایشی كانگ، فائیز محه‌مه‌د هۆتاك و ١١ پۆلیسی دیكه له هێرشه‌كه‌دا گیانیان له‌ده‌ستداوه و پۆلیسێكیش برینداربووه.
هێشتا هیچ لایه‌نێك به‌رپرسیاریەتیی هێرشه‌كه‌ی نه‌گرتووه‌ته ئه‌ستۆ.
