مه‌كته‌بی سیاسیی یه‌كێتیی نیشتمانیی كوردستان به‌بۆنه‌ی 75 ساڵ به‌سه‌ر دامه‌زراندنی پارتی دیموكراتی كوردستان پەیامێکی پیرۆزبایی ئاڕاسته‌ی مه‌كته‌بی سیاسیی پارتی ده‌كات و دەڵێت، هیوادارن ئەو یادە ببێتەهۆی یەکڕیزی زیاتری لایەنە سیاسییەکان.
ئەمە پەیامەکەی یەکێتیی نیشتمانیی کوردستانە بۆ پارتی دیموکراتی کوردستان
به‌رێزان مه‌كته‌بی سیاسیی پارتی دیموكراتی كوردستان
سڵاو ورێز
به بۆنه‌ی تێپه‌ربوونی حه‌فتاوپێنج ساڵ به‌سه‌ر دامه‌زراندن و ده‌ستپێكی ره‌وتی خه‌باتی پارتی دیموكراتی كوردستانه‌وه گه‌رمترین پیرۆزبایی ئاراسته‌ی ئێوه و سه‌ركردایه‌تی پارتی و ئه‌ندام و لایه‌نگرانی ده‌كه‌ین.
ھیوادارین ئه‌م یاده ببێته ده‌رفه‌تێك بۆ په‌ره‌پێدانی په‌یوه‌ندییه‌كانی نێوان یه‌كێتی و پارتی و ھه‌موو ھێز و لایه‌نه سیاسییه‌كان به‌و جۆره‌ی له قازانجی یه‌كریزی و پێكه‌وه‌یی گه‌له‌كه‌مان بێت له‌به‌رامبه‌ر ئه‌و ته‌حه‌دایانه‌ی له‌مرۆی دۆخی عێراق و ناوچه‌كه رووبه‌ڕووی بۆته‌وه.
جارێكی تر پیرۆزه و سه‌ركه‌وتووبن.
مه‌كته‌بی سیاسیی یه‌كێتیی نیشتمانیی كوردستان
15-8-2021
