سلێمانی.. كەسێك بەتۆمەتی هەڕەشەكردن لە كچێك دەستگیركرا

تۆمەتبارە دەستگیركراوەكە

پۆلیسی سلێمانی ڕایدەگەیەنێت، تۆمەتبارێک دەستگیرکرا کە ھەڕەشەی بڵاوکردنەوەی وێنەی لە کچێک کردبوو.

بەڕێوبەرایەتی پۆلیسی پارێزگای سلێمانی ئەمڕۆ چوارشەممە 10ی شوبات بڵاویكردەوە، پاش ئەوەی کچێک سکاڵای یاسایی لەسەر تۆمەتبارێک تۆمارکرد بەناوی (م. ز. ح لەدایکبووی 1975) کە ھەڕەشەی بڵاوکردنەوەی وێنەکانی لێکردبوو ئەگەر بڕێک پارەی پێنەدا، پێشتریش بەھەمان ھۆکار بڕی پێنج ملیۆن دیناری لێسەندبوو، ھێزەکانی پۆلیس لێکۆڵینەوەکانیان دەستپێکرد و زانیاری پێویستیان لەسەر تۆمەتبارەکە کۆکردەوە.

دەشڵێت، دوای وەرگرتنی بڕیاری دادوەر، توانرا لەماوەیەکی کەمدا تۆمەتباری ناوبراو بدۆزرێتەوە و لەلایەن مەفرەزەکانی بنکەی پۆلیسی سەیوانەوە دەستگیربکرێت.

پۆلیسی سلێمانی ڕوونیشیكردەوە، لەکاتی لێکۆڵینەوەدا تۆمەتبار دانی بەتاوانەکەیدا نا و لەئێستادا بەبڕیاری دادوەری لێکۆڵینەوە و بەپێی ماددەی (2) لە یاسای خراپ بەکارھێنانی ئامێرەکانی پەیوەندیکردن ڕاگیراوە و لێکۆڵینەوەکان لەگەڵیدا بەردەوامە.

بابەتی پێشتر

تۆمارێكی دەنگیی وەزیری دەرەوەی ئێران: ڕەنگە فڕۆكە ئۆكرانییەكە بە ئەنقەست خرابێتەخوارەوە

بابەتی دواتر

"خۆكوشتنی نادیار".. تاوانی سێ كوڕ بەرامبەر باوكیان و هۆكارەكەی ئاشكرادەكرێت

بابەتی پەیوەندیدار
Total
35
Share