بانكی ڕافیدەین بڕیاریدا پێدانی قەرزی خانوبەرە، كارمەندانی هێزە ئەمنییەكان و هاونیشتمانییش بگرێتەوە.
ئەمڕۆ هەینی 6ی ئاب، بانكی ڕافیدەین كە بانكێكی حكومیی عێراقییە، ڕاگەیەندراوێكی بڵاوكردەوە و ئاشكرایكرد، لەمەودوا قەرزی خانوبەرە، دەدرێت بە هاونیشتمانییانی بێمووچەش.
ڕاگەیەندراوەكە دەڵێت، “قەرزی خانوبەرە دەگاتە 50 ملیۆن دینار و دەدرێت بە فەرمانبەران و ئەندام و كارمەندانی هێزە ئەمنییەكان و هاونیشتمانی بێمووچە”.
سوودمەندبوونی ئەو هاونیشتمانییانەی كە مووچەیان نییە لە قەرزی خانوبەرە، هەنگاوێكی نوێیە. بەدرێژایی ساڵانی ڕابردووش بانكەكە قەرز و پێشینەی جۆراوجۆری داوە بە فەرمانبەران و خانەنشینان، لەوانە پێشینە و قەرز بۆ كڕینی ئۆتۆمبێل و قەرزی خانوبەرە و پێدانی مووچەی مانگەكان بەیەكەوە كە فەرمانبەران و خانەنشینان دەتوانن تا 100 مووچە بە یەكجار وەربگرن.
