لە ڕاگەیەنراوێکدا، بەڕێوبەرایەتیی هاتوچۆی هەولێر، ئەمڕۆ یەکشەممە 18ی تشرینی یەکەم ڕایگەیاند، دوای ئەوەی لە بوونی ڕوداوێكی هاتوچۆ لە ترافیك لایتی مەخمور ئاگادار كراینەوە، دەركەوت كە شوفێرێك بە ئۆتۆمبێلێكی جۆری (ئۆمیگا) بە ناوی (م.ب.م)، لە شوفێرێك و سەرنشینی ماتۆڕێكی بە ناوەكانی (دیلمان عەبدولستار محەمەد) و (ڕێباز ئازاد ئیسماعیل) داوە و هەردووكیشیان گیانیانلەدەست دابوو.
لە ڕاگەیەنراوەکەدا هاتووە، “تۆمەتبارەکە دوای ڕوداوەکە هەڵهاتووە و لە ماوەی کەمتر لە دوو کاتژمێردا دەستگیرکراوە و دانیناوە بە تاوانەکەیدا، هەروەها بەپێی مادەی 24ی هاتوچۆ ڕاگیراوە”.
لە ڕوداوێکی هاتوچۆدا دوێنێ شەممە 17ی تشرینی یەکەم، ئۆتۆمبێلێک و ماتۆڕسکیلێک دوای ئەوەی سەرپێچییانکرد و لەکاتی سوربوونی ترافیک لایەتەکەدا تێپەڕین بەیەکیانداکێشا و بەهۆیەوە شۆفێر و سەرنشینی ماتۆڕسکیلەکە گیانیانلەدەستدا.
