لە دووكانێكی تایبەت بە پیتزا و شاورمەدا لە كەلار دەست بەسەر 800 كیلۆ گۆشت و قیمەی گەنیو و خراپبوودا گیرا و لیژنەكانی قایمقامیەت بڕیاری داخستنی خواردنگەكەیان دا.
قائیمقامیەتی قەزای کەلار ئەمڕۆ پێنجشەممە ڕایگەیاند، لەکاتی پشکنینی دووكانی پیتزا و شاورمەی (سالار) لەناو بازاڕی شاری کەلار دەستگیراوە بەسەر بڕی (835) کیلۆ گۆشت و قیمە و مریشک و خۆراکی گەنیو و خراپبوودا.
ئاشكراشیكرد، لیژنەی ڤێتێرنەری پسوڵەی سزادانیان بۆ خاوەنەكەی کرد و، بە بڕیاری قائیمقامی کەلار دووكانەكە داخرا و خاوەنەکەی ڕێکاری یاسایی بەرامبەر دەگیرێتەبەر.
ڕونیشیكردووەتەوە، لیژنەی ڤێتێرنەری قایمقامیەت “شەو و ڕۆژ بەردەوام سەردان و پشکنین بۆ بەروبوومی ئاژەڵی” لە سنووری قەزای کەلار ئەنجامدەدەن.
