وەزارەتی تەندروستی هەرێمی كوردستان ڕایگەیاند، لەماوەی 24 كاتژمێری ڕابردوو 619 توشبووی دیكەی كۆرۆنا تۆماركراوە و سێ كەسی دیكەش بەهۆی ڤایرۆسەكەوە گیانیان لەدەستداوە.
بەگوێرەی نوێترین ئاماری وەزارەتی تەندروستی هەرێم، لەماوەی 24 كاتژمێری ڕابردوودا لەكۆی هەشت هەزار و 816 پشكنین، 619 توشبووی دیكەی كۆرۆنا تۆماركراوە، لەبەرامبەریشدا، 494 توشبوو چاكبوونەتەوە و سێ كەسی دیكەش بەهۆی ڤایرۆسەكەوە گیانیان لەدەستداوە.
كۆی گشتی توشبووانی كۆرۆناش لە هەرێم گەیشتە، 180 هەزار و 513 كەس، لەو ڕێژەیەش 169 هەزار و 66 توشبوو چاكبوونەتەوە و چوار هەزار و 415 كەسیش بەهۆی ڤایرۆسەكەوە گیانیان لەدەستداوە.
