لە ڕاگەیەندراوێکدا وەزارەتی تەندروستی بڵاویکردەوە، “لە هەولێر 252 کەس تووشی کۆرۆنا بوون، لە سلێمانی 291 کەس، 224 کەس لە دهۆک، 57 کەس لە گەرمیان و سێ کەس لە ڕاپەڕین تووشی ڤایرۆسەکە بوون”.
ژمارەی گیانلەدەستدانیش لە شەو و ڕۆژی ڕابردوودا هەشت کەس بووە لەوانە سیانیان لە هەولێر، دوو کەس لە سلێمانی و سێ کەس لە دهۆک گیانیان لەدەستداوە.
بەپێی ئامارە گشتییەکانی وەزارەتی تەندروستی تاوەکو ئێستا لە هەرێمی کوردستان 152 هەزار و 777 کەس لە هەرێمی کوردستان تووشی کۆرۆنا بوون، لەو ژمارەیەش 130 هەزار و 249 کەس چاکبوونەتەوە و چوار هەزار و 57 کەسیش گیانیان لەدەستداوە.
