بەڕێوبەری بانکی ناوەندی ئێران پاش سەردانەکەی بۆ عێراق و کۆبوونەوەی لەگەڵ بەرپرسانی ئەو وڵاتە، ئەمڕۆ لە کۆبوونەوەی لەگەڵ کابینەی حکومەتی وڵاتەکەی ڕایگەیاند، گفتوگۆکراوە بۆ ئەوەی سود لەو پارەیە وەرگرین لە عێراقە.
عەبدولناسر هیمەتی، بەڕێوبەری بانکی ناوەندی ئێران لە کۆبوونەوەکەدا ئاشکرایکردووە، “لە عێراق لەگەڵ بەرپرسانی حکومەت و سەرۆکوەزیران مستەفا کازمی کۆبووینەوە، گفتوگۆمان کرد لەسەر ئەو پێنج ملیار دۆلارەی هی ئێرانە و لە عێراق بلۆککراوە”.
بەڕێوبەری بانکی ناوەندی ئێران ڕۆژی 12ی تشرینی یەکەم بەسەردانێک گەیشتە بەغدادی پایتەختی عێراق و لەگەڵ بەرێوبەری بانکی ناوەندی عێراق و مستەفا کازمی، سەرۆک وەزیرانی عێراق کۆبوویەوە.
دوای کۆبوونەوەکە هیمەتی ئاشکرایکرد عێراق ئامادەیی دەربڕیووە تا ئەو پارانەی هی ئێرانە و کرێی گازی سرووشتی و کارەبایە خەرجیبکات.
