سەرۆك وەزیرانی عێراق بڕیاریدا سنوورەكانی عێراق بەڕووی سوریا توندوتۆڵتر بكرێت.
لیوا یەحیا رەسوڵ، وتەبێژی فەرماندەی هێزە چەكدارەكانی عێراق ڕايگەیاند، بە فەرمانی كازمی سنوورەكانی عێراق لەگەڵ سوریادا توندوتۆڵتر دەكەن و لەدەروازە سنوورییەكاندا كامێرای چاودێری و تەكنەلۆژیای پێشكەوتوو جێگیر دەكەن.
ئاماژەی بەوەشكرد، پەرە بەتواناكانیان دەدەن لە ڕووی سەربازیی و هەواڵگرییەوە لە ناوچە سنوورییەكانی عێراق بە ڕووی سوریادا.
قسەكانی وتەبێژە سەربازییەكەی كازمی لەكاتێكدایە، لەدوای ساڵی 2014 ەوە چەكدارانی داعش لە سنوورەكانی سوریاوە بۆ چەند پارێزگایەكی عێراق دەربازبوون و لەنێوان هەردوو وڵات هاتوچۆیانكردووە هەروەها چەندین گروپی حەشدی شەعبی لەو سنوورانەوە چونەتە نێو خاكی سوریا.
لەماوەی ڕابردووشدا ئەمریكا و ئیسرائیل چەند جارێك لە سنووری عێراق و سوریا بۆردومانی گروپەكانی سەر بەحەشدی شەعبی كردووە.
