وەزیری دارایی عێراق واژووی لەسەر خەرجكردنی بڕی 320 ملیار دیناری بەشە بودجەی هەرێم كردووە، بەڵام ڕوون نییە كەی دەست بە دابەشكردنی موچەی فەرمانبەرانی هەرێم دەكرێت.
لە نوسراوێكدا كە ڕۆژی 13ی تشرینی یەكەم لەلایەن عەلی عەلاوی، وەزیری دارایی عێراقەوە واژووكراوە، بڕیاردراوە بە گواستنەوەی بڕی 320 ملیار دینار بۆ سەر حسابی وەزارەتی دارایی حكومەتی هەرێمی كوردستان وەك بەشە بودجەی هەرێم بۆ دابەشكردنی موچەی فەرمانبەران.
وێڕای گەیشتنی پارەكە تا ئێستا هیچ لیستێكی موچە لەلایەن وەزارەتی داراییەوە بڵاونەكراوەتەوە، بەڵام پێشتر ڕاگەیەندرا كە لەبری موچەی مانگی چوار موچەی مانگی نۆ دابەش دەكرێت.
