لە چەندین شاری عێراق لایەنگرانی موقتەدا سەدر و هادی عامری وەک پاڵپشتییەک لە فەڵەستین ڕژانە سەر شەقامەکان و دروشمی هاوخەمی و پشتگیریان وتەوە.
پێشتر موقتەدا سەدر، سەرۆکی ڕەوتی سەدر ڕایگەیاندبوو، کە خۆپیشاندان دەکەن وەک پشتگیرییەک بۆ گەلی فەڵەستین لە ژێر “هەڕەشەکانی ئیسرائیلدا”.
دواتر هادی عامری، سەرۆکی هاوپەیمانیی فەتحیش ڕایگەیاند، ئەوانیش بەشداری لە خۆپیشاندانەکان دەکەن، دژی سوپای ئیرائیل و دەچنە سەر شەقامەکان.
ئەمڕۆ 15ی ئایار، لە یەک کاتدا خۆپیشاندەران لە شارەکانی بەغداد و بەسرە و زیقار و بابل ڕژانە سەر شەقامەکان و بە ئاڵای فەڵەستین و عێراقەوە دروشمیان وتەوە.
#BREAKING : Protest at Tahrir-Square in central #Baghdad in support of the Palestinian and Al-Aqsa people.#Iraq #Iraq #Iran #InternationalLeaks#palestine #BreakTheCode #Palestinian #Israel #IsraelPalestine #Palestinian #Gaza_Under_Attack #India #IsraelUnderFire #HumanRights pic.twitter.com/S2iLHDkLih
— International Leaks (@Internl_Leaks) May 15, 2021
