ئەمشەو، شەممە لە چوارچێوەی ڕوبەڕوبوونەوەکانی هەفتەی 32ی خولی پلە یەکی ئیسپانیا، یانەی ڕیاڵ مەدرید ڕوبەڕوی ڕیاڵ بیتیس بووەوە و یەکسانبوونی تۆمارکرد.
ڕیاڵی شاهانە لە یاریگای دی ستیفانۆ میوانداری یانەی ڕیاڵ بیتیسی کرد، یاری نێوانیان بەبێ گۆڵ کۆتاییهات.
سەرەڕای ئەوەی ئەستێرەکانی زێدان چانسی ئەوەیان هەبوو بە بردنەوە بگەڕێنەوە لوتکەی لالیگا و هەوڵی بێوچانیاندا بۆ تۆمارکردنی گۆڵ، بەڵام سەرکەوتوو نەبوون و یارییەکە بەبێ گۆڵ یەکسانبوون کۆتاییهات.
بەپێی ئەنجامە تۆمارکراوەکە، ڕیاڵ مەدرید لە کۆی 33 ڕوبەڕوبوونەوەی وەرزی 2020/2021 و بە کۆکردنەوەی (71) خاڵ لە پلەی دووەمی ڕیزبەندی یانەکانی لالیگا و بە جیاوازی دوو خاڵ بەرانبەر ئەتلەتیکۆی یەکەم و سێ خاڵ بەرانبەر بەرشلۆنەی سێیەمی ڕیزبەندی جێگیربوون، لە بەرانبەردا یانەی ڕیاڵ بیتیس بە 50 خاڵەوە لە پلەی شەشەمی ڕیزبەندی جێگیربوون.
