وەزارەتی تەندروستی: دوانزە کەسی دیکە بە کۆرۆنا گیانیان لەدەستدا

وەزارەتی تەندروستیی هەرێمی کوردستان ئاماری 24 کاتژمێری ڕابردووی کۆرۆنای بڵاوکردەوە، 513 کەسی دیكە توشی ڤایرۆسەکە بوون و 12 کەسیش گیانیان لەدەستداوە.

وەزارەتی تەندروستی ڕایگەیاند، “لە شەو و ڕۆژی ڕابردوودا لە هەولێر 60 کەس توشی کۆرۆنا بوون، 43 لە سلێمانی، 368 لە دهۆک، هەڵەبجە 10 کەس و لە گەرمیان 32 کەس توشی پەتاكە بوون”.

هەر بەپێی ئامارەکە، کەسێک لە هەولێر، چوار کەس لە سلێمانی، شەش کەس لە دهۆک و کەسێکیش لە گەرمیان بە کۆرۆنا گیانیان لەدەستداوە.

بەپێی ئامارە گشتییەکانی وەزارەتی تەندروستیی هەرێم، تاوەکو ئێستا 145 هەزار و 188 کەس توشی کۆرۆنا بوون، لەو ژمارەیە 122 هەزار و 35 کەس چاکبوونەتەوە و سێ هەزار و 944 کەسیش گیانیان لەدەستداوە.