ئەستێرەی میسڕی یانەی لیڤەرپوڵ، محەمەد سەڵاح سەرەڕای ئەوەی لە یانەکەی هەست بە بەختەوەری دەکات، بەڵام بەهۆی دیارنەبوونی ئاسۆیەکەوە بۆ نوێکردنەوەی بۆندەکەی، دووچاری دڵەڕاوکێ و نا هاوسەنگی دەروونی بووە.
بەپێی زانیارییەکانی ڕۆژنامەی “دەیلی میرەر”، سەڵاح لە لیڤەرپوڵ بەختەوەرە و لەگەڵ خێزانەکەی ژیانێکی ئاساودە دەژی و لە پلانیدا نییە یانە ئینگلیزییەکەی بەجێبهێڵێت، بەڵام بەهۆی پشتگوێخستنی لەلایەن ئیدارەی ڕێدز و نوێنەکردنەوەی بۆندەکەیەوە، لە ئێستادا تووشی دڵەڕاوکێ بووە.
فرعەونە بچوکەکەی میسڕ لە 2017وە یانەی ڕۆمای بەرەو لیڤەرپوڵ بەجێهێشت، بۆندەکەی لەگەڵ “ڕیذز” تاوەکو هاوینی 2023 بەردەوامی دەبێت، بەڵام بەڕێوەبەرانی ڕێدز هەوڵیان نەداوە گرێبەستی نوێی لەگەڵدا واژووبکەن.
سەڵاحی 28 ساڵ دەیەوێت تاوەکو کۆتاییەکانی ژیانی وەرزشیی واتا بەلایەنی کەمەوە تاوەکو 35 ساڵی بەردەوامبێت، لەهەمان کاتدا یانەکانی ڕیاڵ مەدرید و پاریس سانت جێرمان و بەرشلۆنە خواستیان لەسەر کڕینی نیشانداوە.
ڕۆژنامەکە نوسیویەتی، سەرەڕای بەختەوەری سەڵاح و خێزانەکەی لە شاری لیڤەرپوڵ، بەڵام پشتگوێخستنی کەیسی نوێکردنەوەی بۆندەکەی لەلایەن ئیدارەی یانە سوورەکەوە، یاریزانەکەیان تووشی دڵەڕاوکێ کردووە و نازانێت داهاتووی بەرەو کوێ هەنگاودەنێت.
