وتەبێژی بەڕێوبەرایەتی تەندروستیی سلێمانی ڕایگەیاند، لە چوارچێوەی پشکی هەرێمی کوردستان لەو ڤاکسینەی کە ئەمڕۆ دەگاتە عێراق بەشێکی ڕەوانەی هەرێمی کوردستان دەکرێت و پشکی سلێمانیش دەنێردرێت.
د.هێرش سەلیم، وتەبێژی بەڕێوبەرایەتی تەندروستیی سلێمانی ڕایگەیاند، ” لە چوارچێوەی گرێبەستی دابین كردنی ڤاكسینی كۆرۆنا لەلایەن وەزارەتی تەندروستیی عێراق ئەمڕۆ بەشێك لە ڤاكسینی پ. ڤایزەر دەگاتە عێراق ، وا بڕیارە هەر ئەمڕۆ بەشی پارێزگای سلێمانی كە بەشێوەی هەفتانە ئەبێ بگاتە شاری سلێمانی و لە دوو سەنتەر هەڵ دەگیرێ تا كاتی تەواو كردنی ڕێ و شوێنی دابەشكردنی لەلایەن تیمە ڕاهێنراوەكانی تایبەت بە ڤاكسینی پ.ڤایزەر”.
لەماوەی ڕابردوودا دوو جار پشکی هەرێمی کوردستان لەو ڤاکسینەی کە عێراق دەیکڕێت یان پێی دەبەخشرێت گەیەندراوەتە بەڕێوبەرایەتییەکانی تەندروستی و بەپێی ڕێکارێکی تەندروستی لە هاوڵاتییان دەدرێت.
