لە ماوەی ڕابردوو کێشەی نە بژاردنی پارەی غازی سروشتی و کارەبا کە عێراق لە ئێرانی کڕیووە چەندین دانیشتنی لەبارەوە کراوە و لە تازەترین دانیشتنی نێوان ئەو دوو وڵاتەدا عێراق بەڵێنداوە پارەکە خەرجبکات.
ئەمڕۆ محەمەد شەریعەتمەداری، وەزیری هەماهەنگی و کاری ئێران لەگەڵ عەلی عەبدولئەمیر عەلاوی، وەزیری دارایی عێراق کۆبووەتەوە و تێیدا گفتوگۆکراوە لەسەر خەرجکردنی ئەو پارەیەی کە عێراق قەرزاری ئێرانە.
لە کۆبوونەوەی وەزیری هەماهەنگی و کاری ئێران و وەزیری دارایی عێراق تەکید کراوەتەوە لەسەر جێبەجێکردنی ڕێککەوتننامەی نێوان عێراق و ئێران بۆ پرسی هەماهەنگی هەردوولا لە بواری دارایی و گومریکی و بازرگانی.
لەماوەی زیاتر لە 10 ساڵی رابردوودا عێراق بۆ دابینکردنی کارەبا غازی سروشتی و خودی کارەبای لە ئێران کڕیووە، بەڵام بەهۆی سزا ئابورییەکانی سەر ئێرانەوە نەتوانراوە بە تەواوی پارەکە خەرجبکرێت.
