نرخی زێڕ لە بازاڕەکانی جیهاندا لە بەرزیدا ماوەتەوە، ئەمڕۆ نرخی ئۆنسەیەکی کانزاکە دوو هەزار و 739 دۆلارە، بەڵام بۆ سبەینێ دەکرێت گۆڕانکاری بەرچاوی بەسەردا بێت.
نرخی زێڕ لە چاوەڕوانی دوو رۆژی گرنگدایە، یەکێکیان کۆتایی ئەمڕۆ سێشەممە و دوای تەواوبوونی دەنگدانەکانی ئەمریکا و دەرکەوتنی ئەنجامە بەراییەکانی دەنگدانە.
ئەوەی دیکە رۆژی پێنجشەممەیە کە بڕیار لەسەر رێژەی سوودی بانکی لە ئەمریکا دەدرێت.
زێڕ وەک کانزایەکی گرنگ و جێگەی بایەخ، هەردوو بابەتەکە کاریگەرییان لەسەر نرخەکەی دەبێت، لە ئەگەری دەرچوونی کاندیدی دیموکراتەکاندا، پێشبینی ئەوە دەکرێت، نرخی زێڕ بەرزبێتەوە و باس لەوە دەکرێت لە ئەگەری دەرچوونی ترەمپدا پێشبینی دابەزینی دەکرێت.
ئەمڕۆ، کیلۆیەک لە کانزاکە، هاوتایە لەگەڵ 88 هەزار و 87 دۆلاری ئەمریکیدا و گرامێکیشی بە 88 دۆلاری ئەمریکییە.
