وەزیری گواستنەوەی عێراق رێزلێنانی بۆ یەکەم ژنە فڕۆکەوانی عێراق کرد کە کچێکی کوردە و خەڵکی شاری دهۆکە و لە تیمی فڕۆکەوانیی هێڵی ئاسمانیی عێراقی کاردەکات.
کاپتن رێژین محەمەد ناوی ئەو کچە کوردەیە کە دوێنێ دووشەممە لەلایەن هێڵی ئاسمانی عێراقییەوە و بە ئامادەبوونی رەزاق محێبس سەعداوی وەزیری گواسنتەوەی عێراق ئاهەنگی پێشوازی و رێزلێنانی بۆ ئەنجامدرا، لە پای گەیشتنی بە پلەی کاپتن و بوونی بە یەکەم ژنی عێراقی کە ببێتە فڕۆکەوان لە هێڵی ئاسمانیی عێراقی.
رێژین محەمەد وتویەتی، “ئەوە خەونی ئەو بووە ببێتە فڕۆکەوان و سوپای ئەوان دەکەم کە هاوکارییان کردووم و ئەمە دەرفەتێکی گرنگە بۆ گەنجان و ژنانی عێراق کە شوێن خەونەکانیان بکەون و کۆڵنەدەن بۆ گەیشتن پێی.”
