ئەمشەو، پێنجشەممە چوار ڕوبەڕوبوونەوەی چوونی قۆناغی 16ی خولی ئەوروپی “یوروپا لیگ” ئەنجامدران، یانەکانی مانچستەر یونایتد و میلان یەکسانبوونیان تۆمارکرد.
لە گرنگترین یاریدا، یانەی مانچستەر یونایتدی ئینگلیزی لە یاریگای ئۆڵدترافۆرد میوانداری میلانی ئیتاڵی کرد و یارییەکە بە ئەنجامی (1-1) کۆتاییهات.
گۆڵەکەی یونایتد لە خولەکی 50 لەلایەن ئاداما تراوری، گۆڵی یەکسانکەرەوەی ئەنجامەکەش لە خولەکی 90 لەلایەن سیمۆن کایەرەوە تۆمارکران.
لە ڕوبەڕوبوونەوەیەکی بەهێزی دیکەدا، یانەی ئەیاکس ئەمستەردام بە ئەنجامی سێ گۆڵی بێوەڵام بردنەوەی بەرانبەر یۆنگ بۆیزی سویسری تۆمارکرد.
گۆڵەکان لە خولەکەکانی 62 و 82 و 90 لەلایەن داڤی کلاسن، دوسان تادیچ، بریان برۆبیەوە تۆمارکران.
ئەنجامەکانی دیکە:
سلاڤیا پراگ 1-1 گلاسگۆ ڕەینجەرز
داینەمۆ کیڤ 0-2 ڤیاڕیاڵ
