هێزەكانی پۆلیسی فیدراڵی لە پارێزگای كەركوك، سێ كەسیان دەستگیركرد كە “ئەندامی داعش بوون”.
فەرماندەیی پۆلیسی فیدراڵی ئەمشەو یەكشەممە 7ی ئازار، لە ڕاگەیەندراوێكدا ئاشكرایان كردووە، “لە پارێزگای كەركوك سێ كەسمان دەستگیركردووە، ئەندامی داعشی تیرۆریستی بوون”.
ئاماژەی بەوەشكردووە، “پاش چاودێریكردنی وردی ئەو داعشانە لە كەركوك، كە بە مادەی 4ی تیرۆر داواكراو بوون، دەستگیركراون”.
ئەوەشی خستوەتەڕوو، “لێكۆڵینەوە لەگەڵ ئەو سێ كەسە دەستی پێكردووە، بۆ ئەوەی ڕێوشوێنە یاساییەكانیان لەگەڵدا بگیرێتەبەر”.
