لە ڕوونكردنەوەیەكدا پەروەردەی ڕۆژئاوای سلێمانی ئاشكرایكردووە، لە ڕۆژی پۆشینی جلی كوردیدا سەرجەم مامۆستایان و خوێندكاران دەتوانن ئەو بەرگە بپۆشن، بەڵام ڕەتی دەكاتەوە ڕێگە بە سازكردنی ئاهەنگ بدرێت.
ئەمشەو یەكشەممە 7ی ئازار، بەڕێوبەرایەتیی پەروەردەی ڕۆژئاوای سلێمانی لە ڕوونكردنەوەیەكدا ڕایگەیاندووە، “ئاگاداری گشت بەڕێوربەری قوتابخانە و خوێندنگاکانی سنووری پەروەردەی ڕۆژئاوا دەکەین لە ڕۆژی پۆشینی جلوبەرگی کوردی لە 10ی ئازار، گرنگی و بایەخ بەو بۆنە نیشتیمانی و کەلتورییە بدەن”.
ئاماژەی بەوەشكردووە، “لەو ڕۆژەدا سەرجەم مامۆستایان و خوێندکاران دەتوانن بەرگی کوردی بپۆشن، بەڵام بەهۆی خۆپارێزی و ڕێنماییەکانی تەندروستییەوە، کۆڕ و کۆبوونەوە و ئاهەنگ سازکردن ڕێگە پێدراو نییە”.
پەروەردەكەی سلێمانی داوا دەكات مامۆستایان و خوێندكاران پابەندی ڕێنماییە خۆپارێزییەكان بن.
هەموو ساڵێك لە هەرێمی كوردستان، ڕۆژی 10ی ئازار وەك ڕۆژی جلی كوردی دیاری كراوە.
