وتەبێژی وەزارەتی تەندروستیی هەرێمی کوردستان ڕایگەیاند کە ئەو پێنج کەسەی پێشتر گومانیان لێدەکرا توشی جۆرە نوێیەکەی کۆرۆنا بووبن ئەنجامی پشکنینەکانیان دەریخستووە کە توشبووی ئەو ڤایرۆسەن.
دکتۆر ئاسۆ حەوێزی بە تۆڕی میدیایی ئێستای وت، “پێنج حاڵەتی جۆرە نوێیەکەی کۆرۆنا لە هەرێمی کوردستان تۆمارکراوە و ئەو پێنج کەسەش پێشتر گومانیان لەسەر هەبووە کە توشبووبن”.
وتەبێژی وەزارەتی تەندروستیی هەرێمی کوردستان ڕایگەیاند، “گومان دەکەین حاڵەتی زۆر زیاتریش لە هەرێمی کوردستان هەبێت”.
سەبارەت بە پشکنینەکان کە ئایا لە هەرێمی کوردستان دەکرێ؟ دکتۆر ئاسۆ حەوێزی دەڵێت، “پشکنینەکانی ئەم جۆرە نوێیەش لە ناو هەرێمی کوردستان دەکرێت و ئەو ئامێر و پشکنینانەی ئێمە لەبەردەستماندایە و دەیکەین لە هەموو عێراقدا بوونی نییە”.
