هاتوچۆی سلێمانی داخستنی ڕێگای سەر شاخی گۆیژە ڕادەگەیەنێت و هاتوچۆی كۆیەش هۆشداری بە شۆفێران دەدات.
به‌ڕێوبەرایه‌تی هاتوچۆی پارێزگای سلێمانی ئەمڕۆ شەممە 20ی شوبات بڵاویكردەوە، یٔاگاداری شۆفێران ده‌كات به‌هۆی بارینی به‌فر و بوونی ته‌مێكی زۆره‌وه ڕێگه‌ی سه‌ر شاخی گۆیژه به‌ربه‌ست ده‌كرێت و به‌هیچ شێوه‌یه‌ك هاتوچۆی لێوه‌ناكرێت.
دەشڵێت، ته‌نها هاتوچۆ به تونێلی پێشره‌ودا ده‌كرێت یٔه‌مه‌ش به‌مه‌به‌ستی سه‌لامه‌تی گیانی هه‌موو لایه‌كه.
هاتوچۆی سلێمانی داواش لە شۆفێران دەكات پابه‌ندی یاسا و ڕێنمایه‌كانی هاتوچۆ بن تاوه‌كو گیانی خۆیان و یٔازیزانیان پارێزراوبێت.
بەیانی ئەمڕۆ بەفربارین لە شاخی ئەزمەڕ و گۆیژە و بەشێك لە گەڕەكەكانی باكووری سلێمانی دەستیپێكرد.
هاوكات بەڕێوبەرایەتی هاتوچۆی كۆیە لە ئاگادارییەكدا بۆ شۆفێران دەڵێت، بەھۆی بارینی بەفر و باران و بوونی تەمێکی زۆر ئاستی بینین لە شاخی ھەیبەت سوڵتان و کلکەسماق کەمبۆتەوە.
داواش لە شۆفێران دەكات پابەندی خێرایی دیاریکراو بن، بۆ ئەوەی دوربن لەھەر ڕوداوێکی نەخوازراو.
